«prezident qarori» tegli maqolalar
Normativ-huquqiy hujjatlarni ishlab chiqishda «aqlli tartibga solish» loyihasi joriy etiladi
Prezident qarori bilan Qonunchilik va huquqiy siyosat institutining faoliyatini tashkil etish belgilandi. Institutga normativ-huquqiy hujjatlarni ishlab chiqish bosqichida «aqlli tartibga solish» loyihasini joriy qilish yuklatiladi.
Samarqand viloyatining turizm salohiyati oshiriladi
Samarqand aeroportida 2023 yil 1 fevralgacha turistik axborot markazi tashkil etiladi. 2026 yil 1 yanvarga qadar tadbirkorlar 4 va undan yuqori yulduzli mehmonxonalar faoliyati uchun tovarlarni olib kirishda bojxona to‘lovlaridan ozod qilinadi.
Nogironligi bo‘lgan shaxslarni kasb-hunarga o‘rgatuvchi «Imkoniyatlar markazi» tashkil etiladi
2022 yil davomida tajriba tariqasida Nukus va Toshkent shaharlarida hamda 2023 yildan boshlab qolgan hududlarda «Imkoniyatlar markazi» faoliyati tashkil etiladi. Ular nogironligi bo‘lgan shaxslarning huquqlari va qonuniy manfaatlarini himoya qiladi va kasb-hunarga o‘qitishga ko‘maklashadi.
Uchta viloyatda kimyo texnoparklari tashkil etiladi
Prezident qarori bilan mahalliy mineral xomashyolarni chuqur qayta ishlash orqali yangi turdagi kimyo va gaz-kimyo mahsulotlarini ishlab chiqarish uchun Navoiy, Farg‘ona va Qoraqalpog‘istonda kimyo texnoparklari tashkil etiladi. Sohaga mahalliy va xorijiy to‘g‘ridan-to‘g‘ri investitsiyalarni jalb etish maqsad qilingan.
Hokimliklar huzurida Tadbirkorlar kengashi tashkil etiladi
Jamoatchilik muhokamasi uchun e’lon qilingan prezident qarori loyihasiga ko‘ra, Qoraqalpog‘iston Vazirlar Kengashi va hokimiyatlar huzurida Tadbirkorlar kengashi tashkil etiladi. Unga Qoraqalpog‘iston Vazirlar Kengashi raisi va hokimlar rahbarlik qiladi.
7 ta vazirlikning kapital qurilish bilan shug‘ullanadigan buyurtmachi xizmatlari tugatiladi
Prezident qarori bilan 7 ta vazirlikning buyurtmachi xizmatlari tugatilib, ularning amaldagi buyurtmalari mahalliy hokimliklarning injiniring kompaniyalariga o‘tkaziladi. Bundan tashqari, Qurilishda texnik me’yorlash va standartlashtirish ilmiy-tadqiqot instituti tashkil etiladi.
Mahallalarda ijtimoiy-iqtisodiy muammolarini hal etish jamg‘armalari tashkil qilinadi
Har bir mahallada ijtimoiy-iqtisodiy muammolarini hal etish jamg‘armasi tashkil qilinadi. Prezident bu haqdagi qarorni imzoladi.
1 yanvardan qon donorlari uchun bir qator imtiyozlar beriladi
2023 yildan «O‘zbekiston Respublikasi faxriy donori» ko‘krak nishoni bilan taqdirlangan shaxslarga 4,5 mln so‘m to‘lanadi. Ular jamoat transportidan bepul foydalanadi, sanatoriylarga navbatsiz yo‘llanma oladi. Yiliga 3 marta qon topshirganlar va ularning qarindoshlariga zarur bo‘lganda, qon bepul beriladi.
Navoiyda Xalqaro shaxmat maktabi ochiladi
Prezident qaroriga ko‘ra, Navoiydagi “To‘dako‘l” dam olish bazasida Xalqaro shaxmat maktabi tashkil etiladi. Qolaversa, 2023-yildan boshlab har yili mukofoti 50 ming dollarlik “Women's Chess Championship” xalqaro turniri hamda “Uzbekistan Chess Open” xalqaro turniri o‘tkaziladi.
Shaxmat bo‘yicha xalqaro turnir sovrindorlari va ularning trenerlariga pul mukofoti beriladi
Prezident qarori bilan xalqaro nufuzli musobaqalarda sovrindor bo‘lgan sportchilarga pul mukofotlari beriladi. Jumladan, Butunjahon shaxmat olimpiadasi g‘olibi — 600 mln so‘m bilan mukofotlanadi. Qolaversa, sovrindorlarning trenerlari ham shogirdi mukofotining yarmiga teng miqdorda pul oladi.
Ko‘p kvartirali uylar aholisi o‘z xonadoni ostidagi va unga tutash yerdan foydalanish huquqini qo‘lga kiritadi
Hokimiyatlarga 2024 yil 1 yanvarga qadar ko‘p kvartirali turar-joy binolari va unga tutash yer uchastkalarini doimiy foydalanish huquqi asosida uy egalariga notijorat maqsadlarda foydalanishga topshirish vazifasi yuklatildi.
Qishloq xo‘jaligi texnikalarini sotib olish uchun $100 mlnlik imtiyozli kreditlar ajratiladi
Moliya vazirligi qishloq xo‘jaligi texnikalari xaridi uchun 100 mln dollar miqdorda imtiyozli kreditlar ajratadi. Banklar qarzlarni milliy valyutada 10 yil muddatga imtiyozli davr bilan 10 foiz stavkada taqdim etadi. Avvalroq MB hukumatdan imtiyozli va direktiv kreditlar hajmini qisqartirishni so‘ragandi.
Nogironligi bo‘lgan xotin-qizlarni ishga olganlarga subsidiya beriladi
Prezident qarori bilan mehnatga layoqatli, nogironligi bo‘lgan xotin-qizlarni ish bilan ta’minlagan ish beruvchilar uchun 6 oy davomida har oyda BHMning 2 baravari (600 ming so‘m)dan kam bo‘lmagan miqdorda subsidiya ajratiladi.
1 sentabrdan avtomobilni boshqarish uchun ishonchnoma onlayn rasmiylashtiriladi
1 sentabrdan boshlab avtotransportni boshqarish huquqini beruvchi ishonchnomalar my.gov.uz orqali onlayn rasmiylashtiriladi va uni notariusdan tasdiqlash talab etilmaydi. Bir oylik ishonchnoma uchun to‘lov 90 ming so‘m, uch yillik uchun esa 900 ming so‘mni tashkil qiladi.
Taksi haydovchilari o‘zini o‘zi band qilgan shaxslar ro‘yxatiga kiritiladi
1 sentabrdan 2025 yilga qadar taksi haydovchilari o‘zini o‘zi band qilgan shaxslar sifatida qaraladi va ularning faoliyati litsenziya asosida amalga oshiriladi. Avtomobilning ekspluatatsiya davriga qo‘yilgan talab esa bekor qilinadi.
Prezident huzurida Paxtachilik kengashi tashkil etildi
O‘zbekiston prezidenti huzurida Paxtachilik kengashi tashkil etildi. Kengash hududlar tuproq-iqlim sharoitlariga mos g‘o‘za navlarini ekish va urug‘larini ko‘paytirish, o‘g‘itlash, sug‘orish, suv tejamkor texnologiyalardan foydalanish bo‘yicha ko‘rsatmalar beradi. Shuningdek, xususiy urug‘chilik klasterlari tashkil etiladi.
O‘zbekistonda pedagogika yo‘nalishida 10 ta OTM tashkil etiladi
Prezident qarori bilan O‘zbekistonning 10 ta hududida pedagogika yo‘nalishi bo‘yicha 8 ta institut va 2 ta universitet tashkil etiladi. Bundan tashqari, pedagogik kadrlar tayyorlovchi OTMlarning 2−4-bosqich talabalari uchun «4+2» shaklidagi ta’lim jarayoni yo‘lga qo‘yiladi.
Tez tibbiy yordam tizimi qayta tashkil etiladi
O‘zbekistonda tez tibbiy yordamning yagona vertikal boshqaruv tizimi joriy qilinadi. Tibbiy brigada bemorning ahvoli va kasallik turiga qarab, tuman va hududidan qat’i nazar unga yaqin masofadan yuboriladi. Markaziy shifoxonalarda esa tun-u kun ishlaydigan shoshilinch qabul bo‘limlari tashkil etiladi.
Paralimpiyachilarning matonat maktabi tashkil etildi
Prezident qarori bilan Paralimpiyachilarning matonat maktabi tashkil etildi. Qolaversa, Abdulla Qodiriy ko‘chasida Paralimpiyachilar bog‘i bunyod etiladi. Metroning yangi bekatlaridan biriga «Paralimpiya harakati» nomi beriladi, 2023 yildan Toshkentda «Paralimpiyachilar matonati» xalqaro forumi o‘tkaziladi.
Andijon davlat chet tillari instituti tashkil etiladi
Andijonda Andijon davlat chet tillar instituti tashkil etilmoqda. OTM birinchi talabalarni joriy yilda qabul qiladi. Talabalar ikkita chet tili bo‘yicha malakaga ega bo‘lishadi.
Eng ko‘p o‘qilgan xabarlar | So‘nggi yangiliklar
- Toshkentdagi musiqa festivalida ommaviy janjal yuz berdi (video)
- Futbol bo‘yicha JCh-2026 saralashi: O‘zbekiston Shimoliy Koreyani mag‘lub etdi
- Paralimpiya o‘yinlari: 8-kunda O‘zbekistondan 9 nafar sportchi qatnashadi
- Toshkent viloyatining Sirdaryo va Namangan viloyatlari bilan chegarasiga o‘zgartirish kiritilmoqda
- “Vodorod sulfid chiqishda davom etmoqda, ko‘pchilik uyini vaqtinchaga tark etdi”. Aholi — Surxondaryodagi gaz konidagi vaziyat haqida
Qo‘shimcha imkoniyatlarga ega bulish uchun saytda ro‘yxatdan o‘ting